Ճապոնիայից առաջին նորությունները

Պարա աթլետիկայի աշխարհի առաջնության ընթացքում գնդի հրում վարժության F55 դասակարգման խմբում Իրանի Իսլամական Հանրապետության մարզիկ Ամիրի Համեդը առաջնության սկզբնական արդյունքների համապատասխան գրավել էր առաջին տեղը և սահմանել Ասիական նոր ռեկորդ, սակայն նախնական արդյունքների հրապարակումից հետո Բուլղարիայի թիմը բողոքարկել էր մրցավարների որոշումը, բողոքարկմանը միացել էին նաև Հայաստանի, Ռուսաստանի և Սերբիայի թիմերը։ Բողոքարկման արդյունքում Իրանի պարա աթլետի բոլոր 6 նետումները համարվել են կանոններին անհամապատասխան և վերջինիս գրանցած բոլոր նախնական արդյունքները չեղարկվել են։ Այս հիմքով Աշխարհի առաջնության հաղթողի տիտղոսը  հետ է վերցվել իրանցի մարզիկից և շնորհվել բուլղարացի մարզիկ Ռուժդի Ռուժդիին, համապատատխանաբար բոլոր մյուս մասնակից մարզիկները մեկ դիրքով առաջ են անցել։ Հայաստանի պարա աթլետ Սարգիս Ստեփանյանը 7-րդ հորիզոնակից տեղափոխվել է 6-րդ հորիզոնականը։ 

Ստորև կարող եք դիտել Սերբիայի, Բուլղարիայի և Իրանի թիմերի մարզիկների մրցելույթները։ 

Նյութը վերցվել է WPA  (World Para Athletics- Միջազգային Պարա Աթլետիկա ) պաշտոնական էջից: