Պարա ծանրամարտի Հավաքականի կանայք ավարտեցին իրենց ելույթները

10 ամիս առաջ
Պարա ծանրամարտի Հավաքականի կանայք ավարտեցին իրենց ելույթները

Հավաքականի անդամաներ միջազգային կարգի սպորտի վարպետ, Հայաստանի չեմպիոն, Աշխարհի գավաթի ոսկե մեդալակիր, Եվրոպայի փոխչեմպիոն և Պարալիմպիկ խաղերի բազմակի մասնակից Գրետա Վարդանյանը Աշխարհի առաջնությանը հաջող ելույթ չունեցավ։ Երեք մոտեցումներում 96կգ, 96կգ և 97կգ բարձրացրած քաշերը չհաշվվեցին։  Գրետան Աշխարհի վարկանիշային աղյուսակում նահանջեց երկու դիրքով և այժմ նա 93կգ գրանցած արդյունքով 9-րդ հորիզոնականում է։ Հաջորդ տարի կարևոր մրցելույթներ կան փետրվարին Դուբայում և հունիսին Մանչեստրում, որտեղ համոզված ենք, որ Գրետան կնվաճի Պարալիմպիկ խաղերի ուղեգրի հրավերը։

Ինչ վերաբերում է Եվրոպայի բրոնզե մեդալակիր Սվետլանա Մանուկյանին, ապա նա լավ կատարեց առաջին մոտեցումը և բարձրացնելով 55 կգ անձնական արդյունքը բարելավեց 3 կգ-ով , սակայն սպասելիքները ավելին էին։ Հուսանք առաջիկայում ելույթները ավելի տպավորիչ կլինեն։

Օգոստոսի 29-ին մեր 7-րդ և վերջին ծանրորդ Գնել Սաֆարյանի մրցելույթն է։ Մաղթում ենք հաջող մասնակցություն և լավ արդյունքներ նրան։