Այս տարի ավելի քան 30 մլն դրամ սպորտային թոշակ կստանան Հայաստանի Պարալիմպիկ հավաքական թիմերի մարզիկները և մարզչական կազմը

2023 թվականին Աշխարհի և Եվրոպայի առաջնություններում բարձր արդյունքներ ցուցաբերած մարզիկներին, նրանց անձնական մարզիչներին, հավաքականների գլխավոր և ավագ մարզիչներին, բժիշկներին ՀՀ կառավարության կողմից սահմանած կարգի համաձայն միանվագ դրամական պարգևներ և սպորտային թոշակ տրամադրելու նպատակով Հայաստանի ազգային պարալիմպիկ կոմիտեն թեկնածուների ցանկը ներկայացրել էր  ՀՀ  կրթության, գիտության, մշակույթի և սպորտի նախարարություն։ ՀՀ վարչապետի և ՀՀ ԿԳՄՍ նախարարի որոշումներով և հրամաններով միանվագ դրամական պարգևատրում են ստացել ՀՀ պարա ծանրամարտի հավաքական թիմի 2 մարզիկ և 4 մարզիչ։

Ընդհանուր թվերով սպորտային թոշակի չափը 2024 թվականի համար կկազմի ավելի քան 30 մլն դրամ։

Անվանական սպորտային թոշակ է նշանակվել

Պարա ծանրամարտի հավաքական թիմի թվով  6 ծանրորդի

Պարա  կանոեի հավաքական թիմի թվով 1 թիավարողի

Պարա սեղանի թենիսի հավաքական թիմի թվով 3 թենիսիստի

Պարա աթլետիկայի հավաքական թիմի թվով 4 աթլետի։

Անվասայլակով բասկետբոլի թվով 8 մարզիկի անվանական թոշակ տրամադրելու հայտը չի բավարարվել համապատասխան հանձնաժողովի կողմից։ 

Անվանական թոշակ կստանան նաև մարզիկների անձնական մարզիչները և հավաքականների մարզիչները։

Հայաստանի ազգային պարալիմպիկ կոմիտեի մամլո ծառայություն